實在太耐冇試過喜慶既感覺，難得尋日阿叔既仔既表兄既姪女既家姐結婚（即係我唔知佢係乜水），我都埋去親下熱鬧：〞恭喜恭喜！新婚愉快呀！〞。
從前我係一個自由主義者，對結婚從來唔抱期望，亦講過絕對唔會結婚。我剩係知道結左婚要睇住老婆睇住仔女，要供呢樣供果樣，唔做得呢樣唔做得果樣，直情一諗起就反感果隻，而且有大把人辦係我面前，就係個個都比人管住哂，同埋日日都要避忌因不信任而引黎既爭吵，總之一句講哂，就係煩啦。尋日去飲既時候，先真正發覺到我一直無察覺，無留意既野，就係結婚果刻既感動，同埋回報父母果刻既心境，當山盟海誓果刻，就好似同父母講左：〞喂！我真係大個仔啦！〞，睇住佢地因幸福而滿懷欣慰既樣，真係乜水都為之動容架。
或者結婚真係好鬼煩啦，不過當日既代表性真係一生，一世。（不過我都無諗住結婚）