訓導主任

香港中小學必有一個職位名為訓導主任，當然有其重要性，從小到大我都對訓導主任非常反感，總係板起口面奉校規為聖經，頭髮掂頸又標其立異，戴住老母織比我條紅色頸巾又標其立異。

話說預科時期女訓導主任剛剛電完髮，卷髮又長又黑，男同學全部為之驚豔，當時女朋友覺得訓導主任當日的教誨訓之有理，向我轉達

“點解好人好姐要染髮呢？中國人就應該留黑頭髮。”

心裡是極不同意啦，但面對女朋友持相反意見係極愚蠢既事，沈默是金，欲言又止還是吞落肚較明智。

硬要用頭髮區分的話，其實中國人的特點並不是黑頭髮而是直頭髮。中亞人歐洲人特點係缺乏深色素，包括頭髮的黑色素，皮膚的melanin，世界上除了中亞人歐洲人，試問哪個民族不是黑／深淙頭髮的？東亞人包括中國人多屬直髮質，不論非洲人東南亞人南亞人歐洲人中亞人中東人澳洲土著紅番頭髮和中國人比起來都要卷曲，即使其他人種拍埋卷髮中國人旁都要明顯卷得多，從來黑頭髮都不能代表中國人。

訓導主任滿口大道理時其實自己正正豎立了一個所謂壞榜樣，有夠諷刺。

染髮係個人既選擇，何必下下lung到國家民族大事呢？令我反感的不是訓導主任的邏輯謬誤，而是小事化大無中生有。好人好姐係無樣睇架，香港班高官夠個個侍侍正正啦，結果呢？