《The Fairtrade Mark》

或者大家可能會對呢個logo感到陌生，不過唔使驚，葛佬同你介紹一下。
呢個係Fairtrade Labelling Organization (公平貿易組織)嘅logo。歐洲同美國人絕對已經習慣左呢個公仔，皆因佢地係超市買既大部份產品，都有呢個label。咁問題係呢個公仔有乜咁架勢呢？
其實FLO係一個由德國發起嘅志願團體，顧名思義，係為左公平貿易。大家要知道，果啲巨無霸級跨國財團，賺就賺到喊，壓搾程度亦係屈機，即係咁，例如StarBxxks賣一杯咖啡三十蚊，但係經過之前重重嘅轉手，最基本既咖啡豆農可能1%都賺唔到,即係3仙都冇。「乜話！？咁狗都有！？」係喇，就係咁狗。
FLO呢個團體就係為左保障最基層生產者免受壓搾而發起，自願參加既公司，要簽訂公平貿易組織既協議，唔單止原始收購價要高過一定標準，重要抽出買賣過程金額嘅1%作為收購地既基本建設費用。唔好睇少呢1%，各商各戶積積埋埋，夠起好多學校，道路，水電，醫院。
就咁睇落參加計劃既公司好似好傻仔，少左錢賺重要比人監住數簿。咁你就錯喇，係商業社會入面，品牌形象好重要，呢個FairTrade icon絕對係公平，良心形象既證明，大把良心市民睇住呢個logo黎買野，根據FLO公佈既數字，絕大部份加入計劃既公司利潤有多於15%既增長，賺到錢之餘又造福人群，咩叫面面雙羸？呢啲先係面面雙羸。

《死．懶．蟲》

開左學已經兩個禮拜喇，因為學園生活實在太忙，又學生會又社又英文學會，死人喇！所以呢排冇打blog，敬請見諒！
久別校園半年，個屎忽重未坐慣返學校啲硬堀堀但係又容易令人訓住嘅木櫈，不過根本冇時間比我地適應，皆因中六冇特定班房，逢轉堂都東頻西撲，每次都要坐落人地坐過重有陣屎忽除嘅木櫈，真係有份幾核突既感覺。間學校起左咁耐，校舍又係咁裝修，有錢不如起多幾個班房啦。
重有發現自己經過長年校園混沌虛渡既生活，自己隻耳仔不其然產生一道濾膜，一道專門隔住咪高風聲線既濾膜。無計，學校老師上堂鍾意用咪，而我上堂基本上都係到吽下吽下訓下訓下，慢慢已經完全無視個咪，（亦即係用咪講野我會更加唔理）害我學生會答問時間完全冇理到台下用咪高風發問既同學仔，幾驚問到我呀…

• 學生會內閣４５度閣成功當選，一連兩個禮拜緊迫既宣傳工作終於完成，好波好波。
• 因工事繁忙，科目進度完全追唔上，呢個星期六日又有野做，究竟幾時先有時間比我溫返好佢呢？
  

活著

有一個人很害怕死亡。
他心裡想著：「死亡是在前面呢？還是在後面呢？」
他想到：「人總是在往前跑的時死亡，例如飛機失事、車禍喪生。
所有的動物也都是在往前逃命的時候，被捕殺的。
從來沒有動物是在後退時喪生，所以，死亡是從後面追趕的。」

他得到一個重要的結論：
「要避免被死亡追上的唯一方法，就是走得更快速、更匆忙。」
於是，他每天總是行色匆忙，不論是吃飯、工作或走路，都比從前的自己快了三倍。

有一天，他匆匆忙忙的趕路時，突然被一個白鬍子的老人叫住。
老人問他說：「你如此匆忙，是在追趕什麼呢？」
他說：「我不是講追趕，我是在逃開呀！」
「逃開什麼呢？」老人問。
「逃開死亡！」
老人說：「你怎麼知道死亡是在後面呢？」
他說：「因為所有的動物都是在往前逃命被死亡追上的。」
老人說：「你錯了！死亡不是在起點時追趕，而是在終點時等候的。
不論你跑快或跑慢，都會抵達終點。」
「你怎麼知道？」
「因為我就是死神呀！」老人說。
那個人大驚失色：「你今天出現，莫非我的死期到了？」
死神說：「喔！你不用害怕，你的死期還沒有到，只是你一直跑得太快，
我的兄弟「活著」一直向我抱怨趕不上你，如果你不和他會合，和死亡又有什麼兩樣呢？他特別請我通知你慢一些呀！」

「我要如何才能和「活著」會合呢？」

死神說：「首先，你要站著不動，把心靜下來，然後你要環顧四周，用心體會、用愛感覺、
用所有的力量來品味，活著就會趕上你了。」
當他把心靜下來的時候，老人說：「你回頭看看，我的兄弟來了。」
他一回頭，老人不見了，卻看見了從來沒有看見的、美麗的街景。

要懂得：幸福並不取決於財富、權力和容貌，而是取決於你和周圍人的相處。
在平凡的日子裡，珍惜週遭的人事物，敢於快樂，做回自己！



原來不知不覺就過左5年...又中一 一個傻仔...到現在被帶壞的小伙子
即使不能繼續走,但我

《Everything has an end》

Everything has an end，由其係開心既野特別易end。
漫長既一個中五暑假，估唔到ship聲又到最後一日，呢個假特別得意，因為甜酸苦辣乜都齊哂。

呢個假

• 返左人生第一次工，出第一次糧，識到阿朱，好老死。
• 同表弟阿月熟左勁多，第一次體驗爛仔頹廢既生活。
• 放榜，好鬼high。
• 轉look，第一次咁有自信。
• 成日上朋友屋企訓，諗住好fd既時候反面。
• 出糧鬥請食飯。
• 狀元旅行識左成班gagsters。
• 因為會考識到小玲。
• 第一次同泡仔見面，熟左好多。
• 識左個百痴，勁傾電話，原來我識講電話。
• 重有重有……

放完呢個假，亦第一次為學校付出，做社幹事，做學生會。平時陸運會明明嗌都唔嗌下，今年突然愛社，突然撐社，吹我唔漲。今年個陸運會日期提前咁多，趕死人，畫左個poster，算係咁啦。基社！基社！



























[基社poster速寫] by 葛佬
2-9-2007