呢一刻，真的，真的很想跳下去，死去吧，死去吧，好想死
好想讓人知道我在想什麼
被扭曲了，變了，好慘，好辛苦，我寫了很多紙仔，抒發出來吧，要抒發出來呀
不是這樣的，你在令我難受，好難過
跳下去呀　
沒有人明白我在想什麼
為什麼
好膚淺，只會看表面
就不明白箇中含意？
這放下了，但不會後悔，因為我唔想令日後後悔
好膚淺，你在令我難受，刻意令我難受
我知道的
但
我已夠辛苦了，我賤格，我放下你了
你有細心嘗試了解背後的所有事嗎
原來，原來係我從來冇講過
我寫低左，會給你看的
我天天想到都在流淚
每次想到都想流淚
我一手破壞，要狠心
不夠狠心就會堵在原處了
我放下了許多，哭了很多，天天也要刻意抽離
不要看，不要想，會返轉頭
不要
我很辛苦好辛苦
不理一切斷絕關係呀，完全放下呀，全身都要是書本
爸爸同你講呀，今個試考唔好就冇架啦，好重要
我眼前除了英文字就是中文字呀，斷絕要斷絕
不要再放時間了，沒時間了，傷他的心是難免的哪
狠心，你做不到，不我做到了
哈哈負心漢
媽咪同你講呀，做男人就要知道乜野重要
爸爸媽媽你讚我了
不，我不開心，好傷心
傷極了
我破壞了！自己一個兒破壞了！我很聽話是嗎？
哈哈哈，
跳下去！
他在憎恨我！他討厭我！
我要不理他，不要回想
哈哈負心漢負心漢！！！！
我好憎你放低我，
我好憎你
我好憎你咁樣對我
我真係好憎你
講咁多野，你最後都係放下我，
你掉低左我
好憎你，我呢世都會咁憎你
負心漢掉低女朋友，好憎你
你在多踩幾腳
釋放我的用意，釋放我的意思，我被踐踏
大力的踩，很大力
踏破胸膛了，意思終於出來了

每天溫書溫書溫書
還有什麼？我身上只有書本
溫書，我沒有興趣
我是廢人
我只會溫書
整天都是溫書
廢人廢物
垃圾，只會溫書
什麼都沒有
溫書
溫書
只會拿住書本
我想要快樂
我想要開心的大笑
我想在田園奔走
一切都在後面呀
書本呀書本呀，好多書本呀！
ｐａｓｔｐａｐｅｒ！
好多野呀
原來我乜都冇，得書架咋
爸爸媽媽別再讚我好嗎
我人生很灰暗
只有書本呀，哈哈
跳下去！！！！！！！！！！！
哈哈哈！！！！！！！！！！！！！！！！！！！
ａｌ
ａｌ　仆街　教統局正仆街
我唔要做香港人，屌你老母
ａｌ正仆街，我要屌柒你
仆街
ａｌ正仆街
ａｌ仆街

膚淺　表面
我的說話　　心能接收嗎
被孤立了，扭曲吧！不愛女朋友的林先覺
只會傷害女孩子，打佢
推他下去！推他下去

《？》

考完AL果晚，我先會(可以)再打blog。

這地方..

這地方..
回想跟你一起看星星.. 一起聽音樂.. 一起聊聊天..一起散散步..
相擁..對望..輕吻..
人生如此..所以美好..

這地方對我們來說很特別..
我們也很特別..

我樂於Stupid for you..

Fight Club: Human Sacrifice

The greatest greatest greatest part of Fight Club.

兒時夢想又有幾多個可以實現？好多人都因為社會中各樣阻撓使得慢慢放棄理想…

係社會嘅錯。

《？》

Currently self-studying: Latin


呢個世界實在太大，大把嘢可以

I want to cry

《結孽禮》

中六正式完結。

成年重頭戲我諗都係戲劇比賽到，其實套劇一早已經轉哂，而我都一早唔係導演。
其實開始我非常有熱誠，因為我好想排一套有自己風格嘅戲劇，好想做一套營造到氣氛場景，亦唔想套劇好似尋常社劇咁直接簡單，好想幻想啲，好想新奇啲，好想獨特啲…
但其實我冇考慮到自己實力，做唔做到心目中嘅野，又係令外一回事。

新版本嘅基社社劇，由bonnie林燁鍶媛齊齊度，開始聽到個故事大鋼，其實係真係覺得好平淡簡單直接，講真，開頭係對套劇冇乜信心，亦覺得要奪魁無乜可能，所以做得唔係好投入。但認真一諗，發覺其實中學戲劇比賽黎講，故事主線情節只係評分嘅其中一部份，佈景、角色設定、gag位都可以係套劇嘅重點，我地基社成棚人一齊激整道具，其實真係好正斗，亦冇乜辛苦嘅感覺，加上自己亦飾一角，所以越做越投入……

最後基社攞到全場總冠軍個野，真係high到嗌哂出黎！大家嘅辛苦冇白費！
（其實仍然覺得基社場景佈置應該攞獎）

《？》

啱啱時間緊迫時候畫嘅一pat 畫，冇錯，係一pat畫，第一次用pat黎形容自己嘅畫。
放上黎只係做備用。

《Swim to where you belong》

大半個月冇打blog了，前排考試實在忙得不可開交，唉，中六七課程都太多嘢啦掛，日日溫六～七個鍾，都仍然可以好多嘢未溫好，辛苦、辛苦～
重記得會考完之後，驚公開考試驚到不得了，為左逃避考試而決志讀ive，好彩得眾人勸告，繼續讀中六，既然而家我揀左讀埋落去，就一定出盡全力考好AL!





[Swim to where you belong]
by 葛佬
21-6-2008



今日終於手痕忍唔住畫左幅畫，係跟Jack Johnson嘅mv而畫，Jack Johnson嘅曲風極度舒服清涼，辛苦完一排再聽下JJ，簡直係人間一大樂事！本blog bgm亦由Nivarna轉左做Jack Johnson 嘅《Gone》，自己輕鬆舒服之餘，亦都同大家分享一下，我是好孩子。
以下係《Gone》歌詞：

Well look at all those fancy clothes
But these could keep us warm
Just like those.
And what about your soul
Is it cold
Is it straight from the mould
And ready to be sold.

And cars and phones and diamond rings
Bling, bling
Those are only removable things
And what about your mind
Does it shine or
Are there things that concern you more
Than your time

Gone going
Gone everything
Gone give a damn
Gone be the birds when they don't want to sing
Gone people
All awkward with their things
Gone

Look at you out to make a deal
You try to be appealing but you lose your appeal
And what about those shoes you're in today
They'll do no good
On the bridges you burnt along the way

You're willing to sell anything
Gone with your herd
Leave your footprints
And we'll shame them with our words

Gone people
All careless and consumed
Gone
Gone going
Gone everything
Gone give a damn
Gone be the birds if they don't want to sing
Gone people
All awkward with their things
Gone

《SK》

Dr. Strangelove; 2001: A Space Odyssey; A Clockwork Orange; A.I.: Artificial Intelligence

《？》

五月最後一篇。




[IAMCUTEKISSMEPLS] by 葛佬

《？》

《Risk》

最近不停玩的online board game。

《我係導演!!》

一年一度社際戲劇比賽又就快到，往年次次社劇都係hea住坐係hall睇，但係今年唔同！我係基社導演！我係導演！
戲劇比賽
對於基社黎講非常重要，因為呢個已經係最後一個社際比賽，而基社同其他社嘅分數亦極為接近，如果今次羸左，冠軍，屬於基社！

對於我黎講今次社劇好有代表性，我視社劇為藝術表現嘅舞台，佢唔剩只係比賽，而係藝術創作，一直以黎我都好期望學校比到空間我係藝術上發揮，今次絕對係好機會！我要做好呢個劇！

《地震》

天災人禍接二連三，有時我會諗，遲早有日我會對呢啲事盲目。
錯哂。
反而係一次比一次悲痛。
今次四川大地震係國內發生，特別有感覺，日日開電視睇報紙睇雜誌上網都係見到地震嘅資料圖片，實在好可怕，國內同胞受難，特別感觸，特別切身，好想過去幫手，我知道果面啲災民好需要關懷愛護。

其實中共的確開放開明左好多，今次事件亦令到中國人尋回果份同情、守望幫助嘅人情味，希望籍住今次悲劇，可以令醜陋的中國人成為過去，可以令長毛信靠一下祖國。









[Earth quake] by 葛佬
17-5-2008

《談中國藝術發展》

用血汗時間辛苦換來的報告，當然由其重要，但編寫的同時所學到的知識更多重要。報告的主題「藝術」，的確令我對中國藝術文化有更深一層的認識。中國文化源遠流長，各方面也發展出自己的特色，藝術方面，更加突顯出中華文化的一貫表現方式，建築、陶瓷、書法、國畫、音樂、雕塑皆有其與別不同的風格。
當代時勢，一切也由西方主導，歐洲文化主導西方，而東方則有中國文化做代表。於藝術人文方面來看，東方西方完全是獨立於兩個世界的，先談談中西藝術的分別。西方的藝術，總括而言，較為多元化並寫實，中國藝術則較重原則並內歛。先以畫作起首作引子，西方的畫作有很多不同派系，如印象派、野獸派、超現實派、抽象派，林林總總，不同派系的畫作有不同的表達方式與特色，派系的重點在於繪畫演繹的方式，而不是畫中表達的意義，很多時候，西方畫的題材可能只是一個寫實的佈景，或是園林的風景，或是人群的律動，沒有框框所規限，色彩用調也由畫家自己所控制調合，畫畫工具也多不勝數，炭筆、乾粉彩、油粉彩、水彩、塑膠彩等，並無規可循。可能是因為西方受革命風潮的影響，人民注重創新，各階層人民也可嘗試藝術創作，也沒有指定的課程，人們盡力創造不同風格的畫作，使得西方的畫作較為多元化，也常有革新。相反，中國畫作變化十分少，離不開紙筆墨硯。只有一種表達方式與製作方法，畫畫工具只有毛筆，顏料只有墨水，中國數千多年來的發展，卻沒有發展出其他本質相異的畫作，中國人講求原則傳統，畫畫者必須受老師指導、或受老一輩提攜，如作詩般，並不是人人可寫可作，正是這種循規蹈矩的個性傳統，使得中國人只顧固有的規矩，而漠視創新的重要性，所有的發展也在框框之內，使得多年來國畫也沒有重大的發展改變，模式也較單一，畫作佳劣在乎畫家細微的筆觸，筆法，著眼點太小，也使得越來越吹毛求疵。國畫的主題主要是風景畫，正如報告所述，「中國的畫作，最重要也是營造出畫者的意境與感受。」，要表現出「氣韻」、「境界」、「氣勢」，畫作的表達方式並不重要，畫作背後的意思，意境才是最重要，這樣也表達了傳統中國人含蓄內歛的心態。由中國與西方的畫作發展對比可見，中國人的傳統特性札根甚深，中國文化的發展太受老規矩老規條所限，而完全缺乏革新創意的念頭，使得文化的發展越走單一路線，從而發展出一套獨特的風格。於藝術方面來看，雖然中國藝術較為單一方面發展並排斥新元素，但其實這也令中國藝術更加的有特色，更獨特，於現時西方主導的世界下，中國固有不變的特色藝術反而突顯出中國文化的博大精深，其根深蒂固的文化精神使得藝術作品更能表達出中國風味。所以，有評論家以藝術為例批評中國傳統古老思想，實在用錯了例子，以另外一個角度觀瞻一下，其實受中國古老思想限制著的藝術創作，其價值更加深厚。

上述為中化報告的分析，只屬借位一放。

《Fetus》

Sperm + ovum > zygote > embryo > fetus > baby

受保護的；跪弱的；純潔的；清新的；雪白的；無暇的；未經世故的；可愛的





[Fetus] by 葛佬
10-5-2008

《啟示》

呢篇將會係一篇好長好長嘅文字… 　

科學家話，發夢因神經緊張，精神失衡，思緒皺亂，我諗係真嘅。 我相信夢有啟示，因為夢境不遺餘力地顯露你自己真正嘅想法，而真正既想法，只有自己知道。點解要喺呢種神情繃緊嘅情況下發夢呢？我諗，係因為做物者想係人類最無助嘅時候，得到啟示。

十一點，我往床上一攤就睡。
沒有夢境，我很舒服，因為腦部連運轉都懶了。

二點幾，我聽到爸爸媽媽嘈交嘅聲音，我每聽到媽咪飲泣一次，我個心就俾刀插一次。媽咪失控地叫了一聲，我忍唔住了，開了房門，走近媽媽，坐低，摸著她膊頭，安撫，擦淚水。
幾分鐘後，我又返到床上了，心入面揑住揑住，但亦抵抗不住睡魔，「好眼訓…」，懷住咁嘅心情，再次睡著了…

＞
我係深圳嘅地鐵站入面，我攞住履歷紙，我要見工？係，我要見工。 深圳、大陸比我嘅感覺就係灰暗、骯髒，呢到都一樣，我四處尋覓，但連目標人物都唔知係邊個。地鐵站入面四周冇人，黑暗，疏落… 可能我因為久覓不果，我心灰咁攤係地鐵站嘅床上面(？)，望出鐵框窗外，見到好多扒手，偷完一次，又一次…突然，我見到李嘉豪，劉嘉添，學校玩嘢嘅朋友們，我就好似平時一樣，將我睇到嘅嘢，復述一次。

＞
好灰，突然好灰，我係地鐵站床上頹廢地滾下來，我係夢入面見到你，我見到你，但乜嘢都無講，就對你上下其手，好似絕望嘅失業漢，返到屋企對妻子洩慾一樣，這是男人野獸的一面嗎？我知道你絕對唔鍾意咁樣，你那些安詳嘅感覺失去了，但係我冇停手(fuck!!)，你羞怒起來，不發一言，走出屋外(變回屋企了??)，我知道做錯了，很想拖回你隻手，補救，但你沒有理我，在你回家的路上，我跟在後面，不斷為自己辯護，而果條路很邏輯地係由我家去你家的路途，好真實…

＞
我又轉地方了，連自己的身份也調轉了，我知道夢中的人唔係葛佬，係一個band3學生喺間band3學校做錯左事，我係學校打死左一個學生，我係頂樓為左拒絕追捕，跑呀跑，走呀走，幾經辛苦走過防火走廊，跳，衝，跑，最後我跨過了圍欄，跑出了學校，卻撞正肥斯大隻警察嘅胸膛，拜服了。呢個夢好似無乜意思，是夢的轉折位嗎？


＞
又轉地方了，我化身成一個功夫了得，神態自若的刺客。係一個日式嘅紫禁城入面，我縱橫跑跳，目的係闖入大殿，殺死皇帝。我飛馳的路途中，有很多持長矛嘅兵卒，我不費吹灰之力就斬斷了他們手上嘅武器，簡單之極，完全玩弄在我鼓掌之中。我闖入了大殿，大殿裡全部面孔都似曾相識，全是班裡同學的面容，那裡似乎在舉行重要的宴會儀式，但係我冇理會，我懷著興奮玩弄嘅心情，斬斷兵卒的武器，劈斷佢地嘅桌椅吊燈，翻轉裡頭嘅裝飾，就好似一個野蠻嘅細路，持住自己唔會比人罵，四處叫囂破壞一樣，突然一把熟悉的聲線說著：「你！你玩夠未？你好煩呀！我地有嘢做呀！」，呢種語氣，呢種聲音，果然好熟悉，多年前討厭嘅我，幾乎日日都聽到呢句嘢，無理人感受，胡亂擺佈。我表現不屑，心裡面大概諗梗「車，唔玩咪唔玩囉。」哼的一聲，把長劍架在頸上，斯的一聲，了結了自己的生命，很隨便地。

＞
我死了，係果一刻，我感到好安詳，唔通因為死後嘅世界都係安詳的？
我明白自己死了，張開雙眼的一刻，卻又是熟悉的景象，回到現代，回到我的房間裡。感覺很真實，我感覺到自己係天堂或地獄，我開電腦，開msn，慣常地顯示為離線，睇住啲朋友上線下線，佢地無提起過我，無人顧念我，因為我死前係大殿上做嘅嘢實在太克人憎？我緩步走出客廳，卻不是熟悉的客廳，很窄的，我見到葉sir，我見到葉sir同班上幾個好熟悉嘅同學係到不慌不忙咁食早餐，我明白果幾個同學都死左，只係唔知死因。而葉sir亦做返老師嘅角色，我知佢無死，只係喺呢個空間領導住我地呢幾個死去嘅人，我問佢：「呢度係天堂定地獄？」，佢叉住舊腸仔，又係不慌忙咁講：「根本就無天堂地獄，呢啲只係一啲人想像出黎嘅地方。」以我呢個無神論者黎講，呢個夢入面嘅解釋好得我同意，我冇追問，坐低一齊食早餐，係果一刻，雙眼有啲白朦矇，心入面卻好安詳好安詳。
葉sir開口講嘢喇，「而家八點半，你地有一日時間」我懶醒咁話「九點半開始？」，但係其實我重未知要做乜，佢回應左我，再講「你地喺呢一日，係靈魂同肉身嘅轉折位，你可以做你鍾意做嘅嘢，而你地今日可以搵你值得搵嘅人，同佢親吻

咁樣你就會一下醒來

就可以成功轉世了。」佢再講：「平常人睇唔到你地，如果你想現身，就合埋眼，講『開眼』，反之就講『閉眼』。」
好有趣，好似打梗機咁，又好似睇梗多啦ａ夢咁，好鬼有趣。

間屋係朗屏果邊，場景有啲怪，我諗個夢刻意令我對環境似係熟悉又似係唔熟悉。
可能因為我係半人鬼，我可以係空中滑翔，飛左好耐好耐，終於到達基朗，終於到達學校。

我第一時間竟然想去搵一啲無關痛癢嘅女仔，想去嚇一嚇佢地，玩一玩佢地，正如係平時係學校，我鍾意受女仔歡迎果種感覺，我鍾意女仔見到我嘅表情動作一樣，我要去搵佢地。
係學校徘徊，我搵唔到佢地，反而睇返學校嘅全部同學，無人為我傷心，無人提起我，恍惚我是生是死都無影響，無人覺得我重要…
但係我繼續係學校搵人，懷住輕佻嘅心情，似係想去調戲良家婦女咁。

我走到學校後花園，見到好多人，個個係到各自各傾計，我冇現身，佢地見到我唔到。突然，我又見到你，我係呢個夢入面，再次地見到你，當個個人都傾計傾得好興起之際，我見到你表情好呆滯，望住遠空，我感覺到，你顧念梗我，你果一刻真係好木獨。我好想同你講返清楚今晚啲嘢，好想同你道歉，好想好想。你坐係你最fd嘅朋友身邊，但係佢無理到你，佢同佢對面嘅fd旁若無人咁傾計，我就慢慢坐係你對面，觀察住你嘅容貌，我想玩一玩你，我合埋雙眼，雙眼一黑間我講「開眼」，我聽到好熟悉嘅一句「Scott!」，好熟悉好熟悉，同係電話上面經常聽到嘅一樣，我好開心，而我見到你個樣好興奮，接著我又即刻合埋雙眼，再講一句「閉眼」，我腑身向前，親向你的嘴唇，我合埋左雙眼，我見唔到你，你果一刻都見唔到我，我知道你係我要搵嘅人，不知不覺間就即刻親左落去…
…
…
…


＞
我腦海命令我立即醒來！因為我知道呢個係夢境！一定係夢境！我真係好似拍戲咁，真係嘗試揑一揑自己手掌，呼，真係返到現實了，喺夢中，恍惚睡著了的每一分每一秒也在慢慢渡過，係令一個地方慢慢過日子似的，如現實如虛幻，疑幻疑真，真假都差啲分唔出了，我醒來係因為我知道之前係夢境，我明白到其實自己係到諗梗邊個。腦海中有啲混亂，但係果種安詳嘅感覺沒有散去，我好開心我重活著，我重繼續梗我嘅生命。

(感謝你！)

《灰》

有時真係覺得自己好蠢，從來都係放錯精神、心機。
積極培養一件事，到頭來先知自己原來一直哂梗時間。

我討厭做主動，算了，唔會再黎多次。
自己辛苦培養返黎嘅一段關係，其實一直都係單方面，哂氣，哂氣，哂氣。
算了，其實已經過左好一段時間。算了，其實亦唔係對方問題。算了。

兩份禮物，生日禮物，情人節禮物，封哂塵。

《懦夫！》

諗返起，自己係幾咁懦弱…
由細到大，都比人食住哂，由細到大，都比人當係弱者，可惡！
其實已經唔係第一次打呢啲嘢，不過每次一諗返起，都好激動，好惱火。

如果比我見返以前既自己，我一定打佢一身　－　打打打打醒佢為止。

Smoke & .....

Smoke@ give a huttied glance@ demi plus

demi之前無聊得濟走左出去香港映...

不過就一d正野都映唔到= =

不過就見到一d人地畫既野覺得幾得意!!

其實自己鍾意畫野比鍾意影野多好多倍..

之後行行下又見到d手人物..

(我唔知咩料..見張相影得核突..so加左特效= =)

好有個人既風格!!!

最近都積極create緊自己既人物..

不過始終未可成功> <

唔畫都唔知..原來自己未畫過用黑邊圍既野...

原來好有難道..

又可能係自己放低左太耐...

因為好耐冇up過野..

所以up多1張la

家下已經冇咩心機幫d相諗呢樣諗嗰樣..

一開始

我就唔係影相..

《Way Back into Love》

I've been living with a shadow overhead
I've been sleeping with a cloud above my bed
I've been lonely for so long
Trapped in the past, I just can't seem to move on

I've been hiding all my hopes and dreams away
Just in case I ever need em again someday
I've been setting aside time
To clear a little space in the corners of my mind

All I want to do is find a way back into love
I can't make it through without a way back into love
Oh oh oh

I've been watching but the stars refuse to shine
I've been searching but I just don't see the signs
I know that it's out there
There's got to be something for my soul somewhere

I've been looking from someone to shed some light
Not just somebody just to get me through the night
I could use some direction
And I'm open to your suggestions

All I want to do is find a way back into love
I can't make it through without a way back into love
And if I open my heart again
I guess I'm hoping you'll be there for me in the end

There are moments when I don't know if it's real
Or if anybody feels the way I feel
I need inspiration
Not just another negotiation

All I want to do is find a way back into love
I can't make it through without a way back into love
And if I open my heart to you
I'm hoping you'll show me what to do
And I you help me to start again
You know that I'll be there for you in the end

《Posters》

分別為學生會推廣天才比賽嘅poster同基社拉人唱歌嘅poster。
學生會果張好似hea左少少…
其實放上黎主要目的係搵個位擺。



























[Posters] by 葛佬
14-4-2008

《Smoke》

You smoke!
No I don't.

《Scott's ssǝlƃuıuɐǝɯ puzzle word》

　　　　　　　　　　　　　　　　　
　　　高　　　　　睡　　　　　　　
　　　樓　　　　　無　　　　　　　
　人人平等　　　　定　　　　　　　
　　　地　　　學無所精　　　　　　
　一早起身跳落海　　少甜唔該　　　
膠巴　　　　　無　　少　　　　　　
　車　　鄰彼若涯天　　　　　　　　
　落　　　　　回　　跟　　　　　　
　去　　　　排頭等坐尾位　　　　　
　　　　　　　是　　狗　　　　　　
　　　　史齊本岸　　　　　　　　　
　　　　葛　　　　　　　　　　　　
　　　　　　　　　　　　　　　　　

《婚姻？》

細個嘅時候，好驚父母嗌交，好驚會離婚。
但係問點解，我唔識答，只係想屋企齊齊整整咁，只係因為愛媽咪錫老豆。
大個左，一切都變得盲目，一切都睇得清楚左。
有問題就自然要解決，一直擺落去只係忍受更多…
其實認真諗過後，離婚、分居，可能反而解決到問題，起碼唔駛成世受對方氣。
寧願日日同「伴侶」敵視，寧願日日同枕邊人對立，分開重好，係咪？
為左子女係一個「模擬」歡樂嘅家庭開開心心長大，一直抱住呢個包袱，一直維持婚姻，只為子女，但就冇理到自己。

真係蠢。

Bamboo

Bamboo@ give a hurried glance@ demi plus

好耐之前影落既一張相

雖然係唔知佢想點..

但一開始就比佢既色彩吸引住

覺得好特別

Hong Kong Guy

Hong Kong Guy@ City Face@ demi plus

呢一d香港人..
為咁忙既香港增添左一d野...!
可能係樂趣..又可能係難堪
有時見到都唔知係可悲定好笑

just say hi

攝自某日元朗
先從一位親人既離世
開始不自覺地留心天空
而每一次都有驚喜

其實一上到黎見到本人既大名有d嚇親= =
哈哈..
剛剛加入呢個blog自稱既artist既人
(scott叫我自我介紹...)
其實真係好開心有機會認識scott!!!
因為我識而又傾得埋既畫畫人超級唔多!!
希望除左寫blog之外
大家以後仲有更多既合作機會!!

《demi》

歡迎新blogger，demi～
補習識嘅，影相多。
本來呢個blog 都係想幾條友一齊打，先前都係孤軍作戰多，而家算係有個伴，幾好丫。

《廢嗡》

呢幾日成日都去天恆，發覺做好多嘢都係去果頭。
去溫書，又係去天恆自修室…
去天比高，又係去天恆…
想食kfc，又係去天恆(澤？)…
搵mc吹水食t，又係天恆維園…
就連買噴漆，都係天恆五金鋪平啲！

如果係果頭比我見到，我一定唔再做怕羞仔！



＞＞一段唔錯嘅短片：

＞＞好嘢聽日有得去陳俊華屋企畫塑膠彩！好耐無店過真正嘅顏料！等我新畫。

《The Kill》

我都唔知做乜無啦啦畫呢幅畫。
唔好驚，唔好驚～










[The Kill] by 葛佬
22-3-2008

《？》

其實人嘅腦真係好複雜，絕大部份功能（？）都未被發掘出黎，由其腦電波嘅強度其實可以好勁揪，而家都研發左用腦電波控制嘅joystick啦，所以話，唔好低估人腦嘅任何可能性，特異功能唔係無根據嘅！













＞＞「你睇我唔到、你睇我唔到…」

＞＞「我諗死你，我諗死你，我諗撚死你！」

《Yau》

重諗住今次考試咁勤力，應該冇死，點知出黎個成績重差過上次，灰。
所以呢幾日不停畫畫麻醉自己…
睇黎真係愛上左仿水彩畫～今次畫自家細妹！
皆因畫得樣衰左同埋輪廓畸尼左，唔敢post原相喇。







[Yau] by 葛佬 18-3-2008

《Liam Gallagher II》

再黎Liam Gallagher～年輕時代。唔知點解上傳左之後質素差左好多。




[Liam Gallagher] by 葛佬
17-3-2008

《Liam Gallagher》

幅畫再嘗試唔畫黑線，仿油彩，今次算係成班啦呱，但始終輪廓方面有點兒怪雞。


[Liam Gallagher in Oasis] by 葛佬
15-3-2008



Oasis 嘅主音，Liam Gallagher，葛佬最愛嘅vocalist之一。 Oasis係britpop嘅地位，絕得得到肯定，而出位成功梗有原因，Oasis正就正在有佢獨特嘅character，唱歌嘅時候惡起個頭，禁低個咪，加上一副極圓黑超(上面幅畫非招牌黑超樣)，再黎一把壓住壓住嘅聲，真係好鬼死正！ 其實之前睇佢個招牌出show樣，硬係形住形住好鬼似一個人，睇返新聞原來佢真係半模仿梗John Lennon！ 估唔到副圓黑超好似邊到見過咁啦。
Oasis歷代嘅歌曲之中葛佬最推介：
Rock n Roll Star ****
Don't Look Back in Anger
Wonderwall
Some Might Say
Lyla

上youtube search下啦=]

《 K I W I 》

實現夢想從來都要好大犧牲…！

《？》

小學

六歲：「我希望做個警察！」
七歲：「我希望做好哥哥！」
八歲：「我希望做畫家！」
九歲：「我希望做個老師！」
十歲：「我希望可以退出風紀隊…」
十一歲：「我希望可以退出田徑隊…」
十二歲：「我希望可以退出銀樂隊…我想做個輕鬆嘅學生，讀好啲書。」

中學

十三歲：「我希望可以讀好啲書。」
十四歲：「我希望可以再讀好啲書。」
十五歲：「我希望可以讀好啲書，希望可以上到大學！」
十六歲：「我希望可以讀好啲書，希望可以上到大學，希望可以做到模範學生。」
十七歲：「我希望可以考好個會考，希望上到大學！」
十八歲：「我希望全部科都趕得上！希望可以上到大學啦！」
十九歲：「我希望高考成績達標！我一定要上到大學！上到大學就舒服哂啦！」

大學

二十歲：「咦！？原來我冇希望喇。」

《Falling into the abyss》

I am falling into the deep abyss.
No one finds. No one seeks.
I fall...eternally... / \








[Falling into the abyss] by 葛佬
4-3-2008

《？》

沒有畫；沒有字，
浪費時間。

《恐懼炸彈》

慶祝單日人數首次破百

今日真係嚇死人，重認為戴con刮親隻眼，拿拿林走去睇專科，原來只係虛驚一場，乜事都冇。咁就無左五舊水，感覺上比人打劫完黎，不過無事總好過有事丫！

呢幾日上堂總係提唔起心機…一返學就諗起啲唔鍾意嘅嘢，唉，好多嘢都好剋人憎…經常性地木口木面，但係一見到成班百痴係到圍埋踢毽，就即刻放鬆起黎，哈哈！
睇左《恐懼炸彈》，作者同係上次提及嘅九把刀，呢本書…唔值得推薦。
幻想，黑色懸疑小說加入想像力固然係好，甚至係必須，但係過份運用，只會令人覺得好似一個發癲細路仔亂寫，亂湊小說咁，一塌糊塗，想仿傚matrix，但又連接得唔好，想寫出混亂恐懼，又畫蛇添足。睇呢本書，唔好預期用恐怖、驚慄嘅心態去睇，而係科幻、冒險嘅心態去睇。不過如陳生所說，買書同買碟一樣，總會買錯幾本。



在最深的黑暗中，才有最亮的燭光。
在最黑暗的時代裡，才能顯露出最光輝的人性。
　
恐懼炸彈　-　Giddens

《？》

怨，怨遍地行屍伯樂難尋。
恨，恨處身劣世無地展才。
悔，悔擇此錯彼回頭無岸。
枉，枉費盡心思始終徙勞。

《Robot Scorpions》

機械蠍子一大隻～嘗試用返初期嘅畫風！好comic feel～
畫左四粒鐘，純粹隨手畫。
附送草圖一張～






















[Robot Scorpions] by 葛佬
23-2-2008

《天比高》

前排得友人通知，得悉「天比高創作伙伴」，聲都唔聲第二日即刻同陳生飛奔天恆搜索。 第一次聽到間嘢起喺停車場入面，都咪話唔驚奇，當然啦，去到又另一隻feel，好新淨，好簡潔，好903！ 丫…都未講間嘢係乜嘢黎… 「天比高創作伙伴」係一個非牟利嘅牟利組織，提供一個比青少年人創作嘅平台，凡加入者即有頭銜：見習創作人，幾型。當有公司交job比天比高嘅時候，就會通知創作人集體創作！雖然呢個真係接商業性質嘅job，但志在比新晉創作人嘗試下創作實戰，做得頻密升你grade嘅，重有錢收添！ 有興趣嘅，可以去呢到睇睇：
http://www.skyhigh.hk
呢排又多左幾個新活動！

《電影》

呢排越黎越留意電影～應該話，呢排上映嘅電影令我不得不留意。
前幾日上嘅《Sweeney Todd》，魔街理髮師，打著Tim Burton＋Johnny Depp嘅旗號，聽聞imdb又爆分，心血來潮即刻單人匹馬去左睇。原來係musical黎，增添幾分文藝情懷，氣氛服裝當然唔駛講了，好有英國約克舊城feel(雖則故事喺倫敦)，黑暗懸疑亦好有Tim Burton 一貫作風，可惜劇情太簡單薄弱，講恐怖，港產人肉叉燒包(or伊波拉病毒？)嘅意境可能恐怖得多，帶出Todd成魔嘅過程亦略嫌有啲格硬黎。講真，其實我覺得套戲唔值咁高分…
令外，Tim Burton係套戲中亦表達出工業革命時期英國嘅不和諧景象，波叔個跟班Toby嘅身世…倫敦污糟嘅小巷後街…同埋亦籍住法官Turpin表達英國法律嘅不足，香港都大把呢啲case啦～好似皇仁生非禮案，陳冠希事件，之前嘅名人頂包吸毒案等…
事前葛佬刻意唔睇Trailer唔睇preview唔睇feedback，令睇戲嘅時候唔會抱住期望，意即亦唔會失望。我覺得抱住呢個心態都幾好，所謂希望越大失望越大。再者未睇先label套戲嘅類型有時都唔會咁好，好似《I am legend》，魔間傳奇咁，抱住睇28日後同Bio Hazard嘅心態去睇，一定覺得套戲垃圾！

近期值得留意嘅電影重有《Juno》、《There will be blood》、《No Country for old man》！以上電影都已經獲得提名！

《十八歲》

幾經辛苦，終於生存夠十八年，終於叫做大人。
既 然叫得做大人，都應該扮下老嘢，回顧一下「童年」。問心果句，雖然咁大個仔都仍然以低Ｂ拾下拾下自居，但係隨住時間嘅逝去，對唔同嘅人、事、物，都逐漸地 有唔同嘅睇法同看待嘅方法。細個嘅時候，已經覺得自己思想好成熟－－大錯特錯，每一個階段，都覺得現時嘅思想好成熟，但係過多幾年，回想返起又會知道當時 係幾無知，我嘅價值觀就係咁樣慢慢領會出黎。只能講，我嘅童年係一個kai子，重係一個勁kai嘅kai子，勁無知勁懦弱勁無自信勁傻仔嘅kai子，小學 都冇乜問題，一上到中學，即刻比人標籤為「傻仔」。亦因為呢個代名詞，我去學點樣改變，慢慢地，情況都慢慢改善起黎。由其近呢幾年，我體會到嘅更加多，因 為我學會由其他方面睇唔同嘅事物，發現到好多事情可恨嘅一面。(好玄呀尼…)
雖則而家我都承認重係好傻仔，但係自問內裡同以前已經大有不同。
呢一年，我社交圈子擴大左好多好多，朋友數目誇大啲黎講可以話係指數上升，最有價值嘅，我覺得係狀元行，識到一班學業上絕對值得學習嘅朋友，你地令我眼光擴大左好多好多！雖然又一排冇見，但係其實好掛住同你地一齊玩嘅時間！而最巧妙無厘頭嘅，一定係喺果個地方果個時期識到妳！

呼…廢話講得多得濟…

呢年生日，成人嘅意思對我都幾大，但係，我期待嘅係二十歲嘅生日，二十歲生日果年將會對我人生有好大影響。

今年我都仿傚阿仁嘅做法，我無刻意講出自己嘅生日。
以下係2月8日有心腥黎祝賀說話嘅朋友：

多謝雅欣，多謝MC，多謝琴，多謝何海，多謝家齊，多謝Jackie，多謝阿king，多謝Eunice，多謝阿仁，多謝燁燁，多謝泡仔，多謝契媽，多謝老豆老母，多謝大佬，多謝幼嫦=]

唔知趕唔趕得切睇魔街理髮師呢？

《十八歲》

幾經辛苦，終於生存夠十八年，終於叫做大人。
既然叫得做大人，都應該扮下老嘢，回顧一下「童年」。問心果句，雖然咁大個仔都仍然以低Ｂ拾下拾下自居，但係隨住時間嘅逝去，對唔同嘅人、事、物，都逐漸地唔同

《Giant Robot》

Speed paint，兩粒鐘。用仿油畫嘅brush畫，冇乜構思過，一起筆就畫。
始終唔可以唔畫線黎畫，技術未夠班…最尾較左高對比，壓迫感應該較為強少少。








[Giant Robot] by 葛佬
5-2-2008

《？》

星期日：凍到爆。
星期一：生暗瘡。
星期二：缺水。
星期三：生暗瘡。
星期四：唔夠訓。
星期五：生暗瘡。
星期六：保養下。
星期日：生暗瘡。

《年宵攤位》

學生會仝人將於2月2日至3日喺銀座室內年宵市場舉辦一個小型攤位！
基於義務性質，所以利潤(有嘅話)將作慈善用途～

鋪頭命名為：KLC代理－肆拾伍度角，冇計，個名黎雄改嘅，唔關我事。
本來入左好鬼多公仔貨，點鬼知話唔比賣版權物！所以全部貨品為手織品及手製品！
全部都100% handmade！幾鬼高級丫你話…
雖然預計今次會以非常失敗告終，但都希望各方人士好心蒞臨攤位撐撐場面，唔該哂！

《？》

前幾日聽到啲嘢，覺得好有道理，同大家分享一下。
麻鷹遨翔天際，永遠飛得最最最高。鷹係空中飛翔唔多需要拍翼，隨氣流飛翔，自由寫意。其他雀仔就唔同喇…為左飛得更高，不停拍翼不停拍翼，但係即使佢拍得幾大力，始終都飛唔到最高嘅位置。

好多人都一樣，不停勞碌打拚，為左工作、為左地位，但係就唔可以輕鬆享受人生…有時停低一諗，為目標而生活唔係比為生活而追攀目標更自在咩？苟存人世固然要有目標，但係一味剩係諗住點樣追趕目標，而勞苦打拚懶理一切，就變成左折磨自己。為目標而生活，生活得寫意，生活得自在，反而會有更好嘅感覺，更舒適嘅體會。
食飯嘅時候，不妨細味一下碟中最後嘅一條冷油菜，感受一下已有嘅福氣。

《UNCERTAINTY》

隨手畫畫。







[Uncertainty] by 葛佬
21-1-2008

《樓下的房客》

其實屋企藏書量都幾多，不經意下摷一本黎睇都唔錯。
機緣巧合地，隨手拿起左《樓下的房客》，重要係作親筆簽名版，劇情真係好緊湊，一日睇完。


成本書可以話係一本犯罪嘅書，演譯嘅文字簡單平白但係帶出嘅感覺就令人不寒而慄。


故事係咁嘅，主角「我」繼承左大伯父嘅一棟樓，分別租左比六個房客，房客無問題，有問題在間房嘅唔同角落都被「我」放置左針孔攝錄機，房客嘅一舉一動，均被「我」一眼睇哂。

本書講到一點，我非常同意，

有人說，真實的人性只存在於一個人獨處時。
在沒有人看見的角落裡，一個人會做出什麼樣的事，才是他真正的本性。

講得太啱，當獨處嘅時候，會做出好多畸尼動作，或者係彈空氣結他扮rock star、或者係偷著阿媽嘅底褲，或者係亂喊亂叫一通…
所以開頭我覺得我同「我」好似，要完全透徹了解一個人，或者要觀察佢獨處嘅行為。

但當劇情慢慢演進，發覺「我」比我恐怖得多，由偷窺，演化成殺人遊戲。

睇嘅時候唔多驚，但係睇完先識驚，個feel我諗同睇完《七宗罪》差唔多。
本書好多金句，都係值得一提嘅，其中一句係：

一個人最無法忘記的，永遠都是自尊心被冷酷剝削的一瞬間。

呢句野講出左點解我咁憎我二佬，幼稚園嘅高老師，同埋一啲學校裡面虛偽到入骨嘅同學，或者我死之前，亦會仿傚「我」嘅做法－報復。

《？》

時間過得太快，我感覺到由中五開始，時間流走得特別快。中六先啱啱開始，但係原來已經差唔多過左一半，係咪因為頹廢嘅時間比人錯覺？

《GLUTTONY》

有冇人知道，暴食亦係罪嘅一種？










[Gluttony] by 葛佬　
6-1-2008

《外表》

呢個世界太虛偽，太假。我地一出世就聽住啲虛假又懶係勵志嘅話語。個個都話「外表唔重要，內在美先最重要」，真係天大嘅謊話。
由古代到摩登現代，樣貌都好鬼重要。古時商賈權貴，娶妻納妾必選美人，好多女人亦係咁樣一躍成金，樣衰嘅鬼有行咩。再講中國四大美人，能夠名留清史，只因一個漂亮面蛋，亦係因為佢地嘅美貌，先會令到佢地係果時咁有影響力。
評定一個人，外表佔好重地位，你第一眼望到果個人，一定係望佢個樣。當藝人模特兒主持司儀主播等露面職位，一定係選面孔標緻有吸引力嘅，劉德華做到天王巨星，大部份原因都係因為佢靚仔有型。男人揀女人，又幾時真係先睇內心丫？即使對象心地非常好，豬屎咁嘅樣，你又有冇興趣同佢交往認識先！？女人揀男人，大部份情況亦係一樣。再者，外表好，人際關係亦會較好，呢個亦係不容置疑嘅事實。

現今化妝護膚行業亦係越做越勁，個個人都想變靚啲，個個都想好睇啲，個個都想機遇多啲！如果睇樣係膚淺嘅話，全世界人都係膚淺！呢個世界實在太假。因為世界上有人美麗有人樣衰，為左鼓勵人，天下間就出左好多人人認同嘅謬論…天才唔重要？勤力先最重要？錯，天才做就到嘅成就，靠勤力一定追唔到，天才者可以學到勤力，勤力者可以學到天才咩？剩係而家嘅中六課程已經表現哂出黎，有數學天賦嘅人，唔多使溫書做練習，考試成績已經屈哂機。同類嘅野實在太多太多…上天並唔係咁公平…種族絕對有分優劣、富裕家庭出生比窮困家庭出生難出頭、虛偽識時務者亦一定比死正直更易上位…
本文唔係旨在打擊任何人自信，撰寫時亦唔係想表達消極嘅態度，只係葛佬實在睇透左世界並唔係公平，世界亦有好多為左鼓勵他人而存在嘅謬論。

《新一年！》

新一年！葛佬祝大家讀梗書嘅學業進多步，返工嘅升職再加人工，最緊要係希望大家身體健健康康！
07年對我黎講係非常重要嘅一年，應該話，對屋企人黎講都係。皆因阿哥同我嘅高考會考都係呢年放榜，結果都尚算不俗，而煎熬梗嘅中六課程又真係比想像中難…　
但係總括黎講，自會考完以黎嘅人生經歷甚至比之前16年嘅人生經歷得更多，我嘗試係生活中做唔同嘅角色，嘗試做好多唔同嘅嘢，嘗試追求自己想要嘅嘢，嘗試發展自己嘅才能！係呢一年黎，人際網絡擴大得好鬼緊要！所以都幾滿足！
今年不求什麼，只求……=]