發覺自己係一個女人。
唔好比我嚇親，我真係咁認為。從前睇過某明珠節目，講過呢個世界人類嘅思維大概分為兩類型：S型腦同E型腦，S型腦屬於理智型，推理型，數學型，E型腦屬於情感型，情緒型，溝通型，人際型，大概係咁啦～個節目就話，男人極多數屬於S型，呢個亦都可以解釋點解預科MATHS GROUP嘅人大部分都係男仔。女人就極多數屬於E型，抑鬱症情緒病多發生於女人身上。
奇就奇在，近排發覺自己屬於E型，係好鬼E果隻。太著眼於人際關係、好鬼多廢話講、好想發洩、情緒波動好大、由其夜晚，可以無啦啦發老脾、又無啦啦笑崎崎、好想表達啲野比人聽、無啦啦對未來好有憧憬、無啦啦又覺得未來好悲哀、加上男人老葛又好鬼易喊…自己嘅思想模式，真係好鬼似女人。我想做S型呀…
好在我重鍾意女人姐…
呢排寫梗啲歌詞，唔知有冇機會獻唱呢?=]
11 則留言:
OH...LAM SOCTT變左一個女人型..XP
可能水瓶情緒特別波動..HEEHEE..
re 仍然都係冬姑：SO VICKI咪一樣係水瓶，兩個鬥波動，哈哈…
更年期到
差唔多係咁
可能你俾自己太多壓力啦
有時搵唔到一個平衡點
感覺上你需要有一個人瞭解你
隨時平定你內心既不安同聽下你傾訴 =.+
re Luffy: 咪搞
re 匿名:講得啱！好需要一個聽我講嘢嘅人！但係咁更突顯E型性格－＿－
Scott..我整左負離子.. 睇黎要勞煩你畫過幅畫比我啦-w-
re ceci:咁要畫個有負離子死光槍嘅ceci機械人喇，哈哈。星期一睇下你嘅新look先=P
我諗我都係一個女人,
我諗我地可以做「姊妹」,
我諗...嘩哈哈哈哈!
仁：做住契姊妹先，哈哈，你個新look好韓風呀真係，幾好睇！
咦!!咁我呀囝都係E型o咼,因為佢d數好屎..哈哈....就黎聖誕喇,祝你聖誕快樂 la^^
RE kityan:所以呢，佢其他藝術方面可能好好呢！聖誕快樂吔！
張貼留言