《Fight Club．看後感》

Fight Club，聽完個名實覺得呢套野打打殺殺，最後主角羸左world champion，享譽全球。錯，呢套電影唔只咁簡單，主要黎講應該話主線並唔太關戲中既Fight Club事，成套野未睇到最後係唔會明既。一個字，ambiguous。
主角阿Jack本來只係一個普通上班族，慣哂物質生活，有嚴重失眠加夢遊，起身會發覺係唔同既地方醒左，好似從來都冇訓過咁。有一次出trip，「巧遇」Tyler，Tyler教佢反物質，反規律，再一齊創立Fight Club，以打鬥發洩。最後Jack發現原來Tyler只係自己幻想出黎既一個人，一個自由，放縱，佢夢寐以求既想成為既一個人，最後發覺原來自己人格分裂，當佢認為自己訓著左既時候，佢就化身為Tyler。
睇完套野或者會令你對人格分裂有興趣，其他觀者亦都主要留意Jack既思路，但係我最有興趣既係戲入面果啲追隨者，佢地一個二個無思維，冇意識，只會跟足Tylar哥既指示，同埋不時彈句「The first rule of Fight Club is ...」同「His name is ...」，究竟係咪因為Tyler將呢班space monkey全部洗哂腦呢？由其加入「計劃」時候既方式亦係超級冇厘頭。導演David Fincher 雖然編排主角，Tyler同Marla既「三角關係」十分巧妙，但係就完全冇講到班跟隨者究竟諗緊乜，究竟係咪隻秋下發洩下就可以將人洗腦呢？定係導演刻意編排，令成套戲變得麻木，混沌呢？
總括黎講雖然套野奇奇怪怪，但係睇完必有啟發，葛佬評分7.5/10。