衰老、改變

唉！自從踏入零七年，我發覺做任何事都力不從心，讀書不入腦，想發奮又頭頭碰著黑，記性又大不如前。歸根究底，我認為是自己開始衰老了，我不想這麼快老，但要擺脫是不可能的。

今年是「神童年」，先有十四歲應屆會考生何凱琳於會考拿到八優一五星的佳績，後有九歲男童沈詩鈞入讀浸會大學數學系。從我的角度來看，這兩人的歲數既是不可重拾，又是夢寐以求的。十四歲這個年紀身高的增長還可以很快，但過多兩、三年卻是另一番事了，而且皮膚既有彈性，又無皺紋。九歲比十四歲更好，同齡的人多數不會計較身高差距這個問題，皮膚也是無械可擊，更不可多得的是擁有無窮的精力，即使連日不睡，也不會感到疲倦。


雖然人們總是說不應回想過去，要展望將來，但我認為這些是用來安慰人的說話。過去發生的事是不能改變，你就勸人可以在現在改變，因為或許可以改變將來？這或許是真，但機會很微。過去的歷史已經說明了，就算改變也挽救不了過去的錯。中國明朝自明成祖後，國力就不斷衰退，到了明神宗時，雖出了一個張居正，實行不少改革，但他一死後，明朝又打回原形。這段歷史，我每次想起都痛心不已，張居正死時不到六十歲，我想如果可以給他多十年壽命，也許明朝真的可以重振聲威。命運就是如此，若果張居正輔佐的不是明神宗，而是資質比較好一點的幼君，那就好了……

西方的羅馬帝國陷入第三世紀危機後，終於出了個賢明的戴克里先，他先後推出了很多羅馬前所未有的改革，表面上改革了羅馬的弊病。其後繼位是的極受基督徒推崇的君士坦丁，他也做了很多變革，包括遷都至君士坦丁堡，促成羅馬帝國日後的分裂。結果，百多年後，東羅馬帝國(拜占庭帝國)雖能保住，西羅馬帝國卻要滅亡。

人與朝代一樣，衰落就是衰落，儘管用很多方法想重拾昔日的強盛，甚至超越當年，但最終的結果不過是死亡和衰落(註：西漢是個很好的例子)。現在我的心態就是這樣。很多人會不認同我，所以我會打出我對不同年紀的看法。


0-2歲 蜜月期
3-6歲 探索期
7-11歲 強盛期
12歲 介乎強盛期和穩定衰落期的年紀，屬於適應期
13-16歲 穩定衰落期
17-20歲 急速衰落期
21-30歲 步入老年期
31處往後 老年期

《Fight Club．看後感》

Fight Club，聽完個名實覺得呢套野打打殺殺，最後主角羸左world champion，享譽全球。錯，呢套電影唔只咁簡單，主要黎講應該話主線並唔太關戲中既Fight Club事，成套野未睇到最後係唔會明既。一個字，ambiguous。
主角阿Jack本來只係一個普通上班族，慣哂物質生活，有嚴重失眠加夢遊，起身會發覺係唔同既地方醒左，好似從來都冇訓過咁。有一次出trip，「巧遇」Tyler，Tyler教佢反物質，反規律，再一齊創立Fight Club，以打鬥發洩。最後Jack發現原來Tyler只係自己幻想出黎既一個人，一個自由，放縱，佢夢寐以求既想成為既一個人，最後發覺原來自己人格分裂，當佢認為自己訓著左既時候，佢就化身為Tyler。
睇完套野或者會令你對人格分裂有興趣，其他觀者亦都主要留意Jack既思路，但係我最有興趣既係戲入面果啲追隨者，佢地一個二個無思維，冇意識，只會跟足Tylar哥既指示，同埋不時彈句「The first rule of Fight Club is ...」同「His name is ...」，究竟係咪因為Tyler將呢班space monkey全部洗哂腦呢？由其加入「計劃」時候既方式亦係超級冇厘頭。導演David Fincher 雖然編排主角，Tyler同Marla既「三角關係」十分巧妙，但係就完全冇講到班跟隨者究竟諗緊乜，究竟係咪隻秋下發洩下就可以將人洗腦呢？定係導演刻意編排，令成套戲變得麻木，混沌呢？
總括黎講雖然套野奇奇怪怪，但係睇完必有啟發，葛佬評分7.5/10。

《地球人與外星人》

外星人和地球人還是要生存在各自的星球
才會有他們的價值,當有一天
外星人闖進了地球,他的價值已在一點一點地消失了

地球人迷戀外星人只為一時的新鮮感
因為外星人身上充滿神祕的色彩,有著地球人解不開的迷團
地球人想知道更多因此接近外星人和他做朋友
開始探索外星人的世界

原本不應該存在同一個空間的他們
因為UFO偏離軌道造成了一個錯誤的相遇
但並不像童話故事,錯誤並沒有美好的結局

對於他們來說,對方的世界是既陌生又新奇
這是互相吸引的地方,也是彼此排斥的源頭

除了他們來的不同的世界,有著不同的生活習慣
而且他們有不同的語言以及表達方式,因此不能互相溝通
雖然可以推測出對方想表達的東西,但畢竟也只是猜測
他們之間從來都沒有真正的共識
每天猜測著別人的意思,總有一天會累吧?

最重要的是,他們即使沒有對方
仍然能在自己的世界裡生活得很好,也許是更好

不論是友誼愛情,每天活在猜忌當中
時刻充滿著不確定感
試問這樣的關係能維持多久?

當地球的人知道了外星人的世界的一切
外星人就開始不再是大家的焦點,也開始寂寞了
某天,外星人把自己星球的朋友帶來地球陪伴自己
所有的地球人都反對,稱為外星人侵略地球
為了保護地球,把所有的外星人趕走

從此,地球人過著幸福快樂的日子


看完你明白這故事想說什麼嗎?

《山東行．感想》

重記得出發前，貌似喬寶寶既領隊Terrence講過句：「今次呢個旅行係非常難得既，絕對會令你地畢生難忘。」
原來真係講得好啱，我冇諗過會比想像中好玩咁多，雖然啲景點唔係話太吸引，不過勝在班同行，勝在有班gag人。

• 頭一晚，我地好見外，見到晚餐十五六碟餸，個個好驚訝，成為左第一個話題，夜晚既時候，第一次gather，全男班，多謝Danny教玩Ass Hole(card game)，好正。
• 第二晚，重係幾見外，唔多願意主動識人，係覺得鵬哥越黎越正。夜晚玩男女分開既first impression，對我黎講又係新game，我都估到，我比人既感覺係爛浦，多謝。開始認識哂啲人嚕。
• 第三晚，係泰山山腳既四星級酒店訓，算係最靚架啦，成班玩完之後，開始清談節目，聽阿鵬講故。呢晚好開心，打開哂心扉咁，最搞野係連隨團記者阿仁都同我地一齊癲，一齊傾到四五點，額外加一個guest岑姐，最後個個淆底唔敢返房訓，六個男仔加一個女仔訓兩張床一個床隙，四星級迫爆。另外gag人團開始組成，評分標準越黎越gag。
• 第四晚，又係清談節目，個個比Ivy迫講自己情史，做哂情場包情天，好好笑。全場人我諗都玩熟哂嚕，睇得出有啲唔捨得。

• 第五晚，最正呢晚嚕，估唔到狀元們個個劈酒，十八枝山東特產青島啤一晚隊哂，勁唔勁先，個個玩到勁癲，講哂心底話，係最後一刻留低左最美好既回憶。

呢個團最梗要係識左班fd，好快re-u，期待中。show下最有印象既fd先：

• Alex－讀global business既，非常有做mc既才能，非常之nice加friendly。
• Sam－冷面笑匠，同房黎，經常爆出有質素既gag，個個俾哂Ｏ，最後幾日癲峰反彈。
• 阿鵬－gag人團隊長，無論係樣、動作定言語，都絕對會令人爆笑，全團我最愛既人，哈哈。
• 阿成－頭幾個識既人，講野勁似Leo，較為沈寂既gag人，精通日文加打鼓，多才多藝既人。
• Hodar－最鍾意講野中英夾雜既人，不過最後都聽慣左嚕，山東人黎，笑死我。
• 阿仁－本來只係一個隨團記者，識來原來係gag人一個，評分動作始創者，超正。
• Amy－榮登團花，除左眼鏡真係好索！gag人團一致贊同。
• Evelyn－可能係最多花名既人，好鍾意煲水，發嬲時動作好滑稽，花名有姨姨陳，陳姨姨，岑姐，村姑。
• Katie－好可愛，黎旅行既目的係識男仔，直認無諱，好爽直。曾經講過一班fd對得耐就唔會嘔到feel出黎，認同102%。
• Yvette－前OSA主席，雖然大我地幾年，但係玩得傾得，開始成為我最祟拜既人。

唔知點解upload唔到相，遲啲搞。

　　　　　　　　　　　　　　　　　


「唔ok 噃…」　　















「掂呀！」

《山東行 - 預備》

放完榜果日，重記得突然有個電話打黎，聽落聽落，嘩，原來咁鬼荀，蘋果日報 x 康泰旅行社搞左個會考生山東旅行，邀請左我去噃。
果時一聽到山東呢個名，個feel勁似山卡拉地方，當堂都窒左疾，都有啲想打消去既念頭，直至今日路過圖書館又心血來潮想睇下山東旅行指南，原來都幾多野睇！
至於今日，我就出席左是次《狀元旅遊萬里行》誓師大會，入到去已經見到好多學生坐埋一齊，坐暖左屎忽之後，開始塔下爹，咁我問下人八下佢地會考幾多分，點知條友話驚自己可能係呢到入面最低分果個，問落先知佢6A，嘩！重得了！？我即時勁自卑！不過又難怪既，個個唔係皇仁就男拔，我地啲市井流氓邊有得比丫！
希望之後6日既旅程係佢地身上學到更多既野！
聽日17號！出發！進軍山東！
（由於blog主近日身體虛弱，blog文質素大幅下滑，敬請原諒！）

《放榜》

八月八日，呢日真係驚心動魄，煩左幾日之後，好在出黎個成績都見得下人，應該話都算係唔錯既。
諗返起之前，日日屈係自修室，朝十晚六，日日如是，真係幾螺命，重記得考之前果日喊埋出黎咁濟，臨放榜之前果晚更加係食唔安坐唔樂，會考呢個重擔，我諗無咩學生可以輕易避過。而家考完一身鬆！鬆哂！唔夠十四分既同學，聽日都要積極搵學校啦！
係呢到多謝一下放榜後打過黎關心我既朋友仔！多謝笨幼，泡仔，小玲，豬腸，阿朱，輝哥，蜂哥，華哥！(邊似啲人要我打返過去報告嚕XP)
附帶一提既係，我咁耐都未聽過阿爸咁開心咁笑，記得佢果把由心笑出黎既笑聲，真係好陌生，老豆真係好關心我地既學業，放心啦，兩年後我會令你笑多次既。

《出路？》

世事永遠都係咁，唔到果日都唔知你既命運會點樣安排，係要吊住你條癮。
放榜前果幾日永遠都係咁十五十六，成績好既先可以選擇轉校。點解轉校讀都要搞咁多野？我只係想轉間有我鍾意讀既科既學校姐，點解咁都咁難？重要咁少收外校生又符合我要求既學校？唉，會考真係好煩呀！搵人掟舊錢比我出外國讀啦…

《巴同葛講》

尋日去完同琳慶祝完生日去影貼紙相，當中有段小插曲。
我地揀梗機既時候，有個巴藉人士拖住佢個細蚊仔行左埋黎，好急咁對住我講左幾句野，(點解咁多人同行係要同我講？)，當初重未搞清楚狀況，佢帶左我去部籃球機到指黎指去，神情好緊張，我問佢識唔識講英文，佢話得，但係口音太重唔明，迫於無奈下我叫左個服務員黎搞部機啦，可能食左錢，但係佢重好急咁同我講野，重苦苦哀求我唔知咩咁，最後我都係一面無奈無理佢，無計，雞同鴨講無得講。
而家返到黎諗返起其實件事好奇怪，我諗其實當中實係唔只jam錢咁簡單，想起果時佢有口難言，個樣又好急咁，究竟想點呢，而家諗落自己無幫到佢，都幾狗下。


(最後諗落可能佢想我幫佢玩籃球機)

















[巴同葛講] by 葛佬
3-8-2007