真係好奇怪，都唔知自己諗乜既。
明明乜事都冇發生過，但又硬係要諗住ｄ負面野。
或者人地會覺得我比人串慣，或者係見同你friend先串下我，
但係其實有意無意都好啦，我擺哂係心入面。
諗深一層，好多人根本從來無尊重過我。
你唔尊重我，我點解要尊重你！？
話你聽！你今日串過我，落過我面，我聽日要你十倍奉還！
．．．．．．．
．．．．．．
．．．．．
．．．．
．．．
．．
．
．發洩完畢。

或者我真係唔適合同人相處啦。
903阿喱講得o岩，最Wat dahell都係人際關係。

最近睇左本書，書名叫”十個廣告九個醜”。
皆因本人對廣告有興趣，凡係包裝封面吸引得黎特別而且出版日期唔太耐，都會借黎睇睇。
翻開第一頁，〞我係陳大仁，同書作者有曾錦程．．．我地係SUNDAY既廣告設計者．．．〞，一睇到序言頭幾句，認為實冇死啦。

點鬼知睇耐Ｄ先知奶野。

如果要話呢本書係一本幾個人合寫既散文合集都不為過，書中沒有分類，沒有題目，入面寫既又乜都有，大概似隨筆多Ｄ。
含廣告內容既，我諗只有數十頁，但勝在貴精不貴多，有金句，有名言，亦算有得著，講咁耐，即係我比佢個封面昆左。

奇怪既係，本書雖然格式版面夠冇厘頭，內容又九唔搭八，但係佢竟然吸引到我睇哂佢，重要係一又二分之一日就睇哂，你話神唔神奇先，各位有興趣睇下既，可以到公共圖書館借架（如果你睇完呢篇野都重有興趣既話）。

等左咁耐，終於都開左個blog。
呢個blog係由幾個人去寫既，記載既可以係日記，可以係隨筆，總之一句講哂啦，寫乜都得。
所以要為呢個blog分類，我諗係冇乜可能既。
－－－－－－－－－－－－－－－－－－－－－－－
以後呢，見到深綠字既就係我－葛佬打架喇。