發覺自己係一個女人。
唔好比我嚇親，我真係咁認為。從前睇過某明珠節目，講過呢個世界人類嘅思維大概分為兩類型：S型腦同E型腦，S型腦屬於理智型，推理型，數學型，E型腦屬於情感型，情緒型，溝通型，人際型，大概係咁啦～個節目就話，男人極多數屬於S型，呢個亦都可以解釋點解預科MATHS GROUP嘅人大部分都係男仔。女人就極多數屬於E型，抑鬱症情緒病多發生於女人身上。
奇就奇在，近排發覺自己屬於E型，係好鬼E果隻。太著眼於人際關係、好鬼多廢話講、好想發洩、情緒波動好大、由其夜晚，可以無啦啦發老脾、又無啦啦笑崎崎、好想表達啲野比人聽、無啦啦對未來好有憧憬、無啦啦又覺得未來好悲哀、加上男人老葛又好鬼易喊…自己嘅思想模式，真係好鬼似女人。我想做S型呀…
好在我重鍾意女人姐…
呢排寫梗啲歌詞，唔知有冇機會獻唱呢?=]
2007年11月30日 星期五
《Santa Maria》
閒日亂逛維基百科，查下哥倫布嘅資料，真係比佢嘅精神感動佢。總算係世上第一個大大聲話比人聽自己要過大西洋嘅人，當時人人認為佢會跌落世界邊緣（地平說），但係點知跌左落美洲，嘩，幾鬼轟動呀！
當時佢第一次出航，就係用呢隻名叫Santa Maria嘅船喇，係咪好有型先？
[Santa Maria] by 葛佬
當時佢第一次出航，就係用呢隻名叫Santa Maria嘅船喇，係咪好有型先？
[Santa Maria] by 葛佬
2007年11月25日 星期日
2007年11月8日 星期四
《目標》
無知係幸福。
當年小學初中，渾渾噩噩，只顧眼前嘅嘢，而從未想過未來嘅嘢，關心嘅，只係幾時放假，興奮嘅，只係放學鍾聲果一刻，陪住我嘅係一部裝有無數遊戲嘅電腦，究竟番學為左乜，我完全唔知道。我讀梗中三嘅時候，什至連乜野係會考都重未知，但係自知學校考試考得好有獎品，就姑且溫下書，當年嘅校園生活什是無憂，沒有清晰目標，沒有未來定向，只顧當下，不知幾風流快活，考試可以話完全冇壓力，考完試即刻衝去網吧，幾他條。
人漸大，思想就漸成熟，中四五開始已經有自己嘅方向，知道會考重要，知道自己兼負重任，頓時盡失自由，眼前並冇他物，只求考好會考，責任感亦不自覺由心而生，會考辛酸，有苦自己知，溫到喊竟然係常事。 … 考完之後，如釋重負，自問再頂唔順考試之苦，曾經私下發譬即使成績點好點差，都唔會讀預科考高考，只想輕輕鬆鬆讀IVE，只怕再接觸果種沈著肅穆嘅考試氣氛，會登時窒息氣絕。可惜自己型唔起，亦唔夠堅決（好事？），先前所發嘅譬言亦自己打破，再度接觸艱辛學途，升讀預科，家陣日日心裡面都凝住凝住要面對高考，可謂無一刻忘記，無一刻放得低，心裡面果種壓住壓住嘅感覺，難頂非常。
算吧啦，打從自己有獨立思想開始，目標一定立，壓力就會自然而生，要重拾當年風騷快樂嘅休閒生活，已經係冇可能嘅事，即使二年後高考完嘅今日，只會有其他更難達到嘅目標，既然係咁，唯有頂硬上啦，或者往後目標會更早達到，早日悠情自在生活…？
當年小學初中，渾渾噩噩，只顧眼前嘅嘢，而從未想過未來嘅嘢，關心嘅，只係幾時放假，興奮嘅，只係放學鍾聲果一刻，陪住我嘅係一部裝有無數遊戲嘅電腦，究竟番學為左乜，我完全唔知道。我讀梗中三嘅時候，什至連乜野係會考都重未知，但係自知學校考試考得好有獎品，就姑且溫下書，當年嘅校園生活什是無憂，沒有清晰目標，沒有未來定向，只顧當下，不知幾風流快活，考試可以話完全冇壓力，考完試即刻衝去網吧，幾他條。
人漸大，思想就漸成熟，中四五開始已經有自己嘅方向，知道會考重要，知道自己兼負重任，頓時盡失自由，眼前並冇他物，只求考好會考，責任感亦不自覺由心而生，會考辛酸，有苦自己知，溫到喊竟然係常事。 … 考完之後，如釋重負，自問再頂唔順考試之苦，曾經私下發譬即使成績點好點差，都唔會讀預科考高考，只想輕輕鬆鬆讀IVE，只怕再接觸果種沈著肅穆嘅考試氣氛，會登時窒息氣絕。可惜自己型唔起，亦唔夠堅決（好事？），先前所發嘅譬言亦自己打破，再度接觸艱辛學途，升讀預科，家陣日日心裡面都凝住凝住要面對高考，可謂無一刻忘記，無一刻放得低，心裡面果種壓住壓住嘅感覺，難頂非常。
算吧啦，打從自己有獨立思想開始，目標一定立，壓力就會自然而生，要重拾當年風騷快樂嘅休閒生活，已經係冇可能嘅事，即使二年後高考完嘅今日，只會有其他更難達到嘅目標，既然係咁，唯有頂硬上啦，或者往後目標會更早達到，早日悠情自在生活…？
2007年10月31日 星期三
《Halloween Frenzy》
Happy Halloween～唔知各位狂歡左未呢？
[Halloween Frenzy] by 葛佬
ps: 順道問個問題，點解個個halloween去玩都係去海洋公園嘅？
[Halloween Frenzy] by 葛佬
ps: 順道問個問題，點解個個halloween去玩都係去海洋公園嘅？
2007年10月24日 星期三
《People Killing ; Nature Ruining》
People killing, people dying, people lying, people blind
People don't see the sign, watching money all the time
Get the pennies, get the dimes, get the dollars is the mindstate
Of the human race, people on the paper chase
The environment is fragile, and we been on the gradual
Declining in a lifetime or lose the battle
Get burned by volcanoes, get blown by tornadoes
Cause mother nature signals, is trying to warn NATO
We got a new terror threat, it's called the weather
More deadlier than chemical and nuclear together
It's hotter in the winter, even hotter in the summer
Jesus, or Buddha, somebody come and help us out
以上歌詞來前Will.I.Am 嘅S.O.S (mother nature)。咩意思，我諗傻嘅都feel到。而家十一月都黎梗，重係好熱，不如一係就快啲熱死哂我地啦，無謂慢慢焗我地。我唔想無左冬天呀！我唔想著住背心過聖誕！
2007年10月11日 星期四
《匪夷所思》
呢個世界存在著好鬼多矛盾，係生活上就見得多：
- 通常問啲女仔男仔長頭髮好唔好睇，個個都話：「咦～～男人老狗留乜鬼頭髮姐～核特到死。」到左第二日你剪左個skin head，返到去見到班女仔圍住山下智久幅相大叫「好鬼靚仔呀！」「好型呀！」。
- 食午飯嘅時候，食飯餐呢，就比你一隻叉，一個匙羹，食面餐既時候呢，就比你一對筷子，一個匙羹，但係食湯飯既時候呢，就剩係比一個匙羮你喎！乜飯＋湯面唔係＝筷子＋叉＋匙羹咩！？
- 上堂嘅時候如果班房出現曱甴蜜蜂毛毛蟲，班女仔一定嘈到拆天，但係如果一隻蝴蝶飛埋黎，又唔聲唔聲懶係鳥語花香咁喎，喂！睇真啲啦，蝴蝶咪又係毛神神！
- 明明擺係網上面既網誌，本來就係share source，自己又唔加密佢又公開周圍唱網址，但當有人睇哂佢嘅entries既時候，就會發現最新一篇網誌寫住「痴線架！有變態佬睇哂我啲日記呀！好變態呀！」，唔通佢唔想比人睇到自己啲野！？但你會發現個blog嘅title係，「記住多啲上黎啦喎！」走既時候又會彈個視窗「咁快走！？留個言先啦！」
- …
訂閱：
文章 (Atom)