2007年12月27日 星期四
2007年12月25日 星期二
《Christmas Eve》
兩個人嘅平安夜！等左半年，終於等到今日喇，對你嘅樣嘅印象，真係太模糊喇，而家腦海都係咁浮現你係西鐵站行梗過黎嘅影像，哈哈…
好多謝你嘅蛋糕，真係好好食！好有咖啡加芝士味！(好神奇XD)重好有你風格添，哈。
而幅畫呢～辛苦都值得！見到你咁鍾意幅畫，真係好鬼開心！重有好多好多嘢，好值得紀念嘅一日！
[Dear Mushroom] by 葛佬
24-12-2007
[啱啱完成嘅XD cake] by Mushroom
24-12-2007
好多謝你嘅蛋糕，真係好好食！好有咖啡加芝士味！(好神奇XD)重好有你風格添，哈。
而幅畫呢～辛苦都值得！見到你咁鍾意幅畫，真係好鬼開心！重有好多好多嘢，好值得紀念嘅一日！
[Dear Mushroom] by 葛佬
24-12-2007
[啱啱完成嘅XD cake] by Mushroom
24-12-2007
2007年12月14日 星期五
《Metallica City》
- 六個鍾之作！前幾日係自修室溫書果陣，忽然屎忽痕畫起無厘頭機悈仔出黎，跟住順手畫埋EM 、Yip、Ceci、Yan機械仔出黎，又幾得意啵。今日橫惦得閒，特意畫埋幅機悈仔城出黎！自己對顏色真係冇乜感覺，油極都係核核突突，要進修晉修再駿修！
- 究竟幾時先有動力畫聖誕味嘅畫呢？
ps:畫完先發覺標題少左個"L"
[Metallica City] by 葛佬
點擊放大
2007年12月9日 星期日
《SE》
發覺自己係一個女人。
唔好比我嚇親，我真係咁認為。從前睇過某明珠節目，講過呢個世界人類嘅思維大概分為兩類型：S型腦同E型腦，S型腦屬於理智型，推理型，數學型，E型腦屬於情感型，情緒型，溝通型，人際型，大概係咁啦～個節目就話，男人極多數屬於S型，呢個亦都可以解釋點解預科MATHS GROUP嘅人大部分都係男仔。女人就極多數屬於E型，抑鬱症情緒病多發生於女人身上。
奇就奇在，近排發覺自己屬於E型，係好鬼E果隻。太著眼於人際關係、好鬼多廢話講、好想發洩、情緒波動好大、由其夜晚，可以無啦啦發老脾、又無啦啦笑崎崎、好想表達啲野比人聽、無啦啦對未來好有憧憬、無啦啦又覺得未來好悲哀、加上男人老葛又好鬼易喊…自己嘅思想模式，真係好鬼似女人。我想做S型呀…
好在我重鍾意女人姐…
呢排寫梗啲歌詞，唔知有冇機會獻唱呢?=]
唔好比我嚇親，我真係咁認為。從前睇過某明珠節目，講過呢個世界人類嘅思維大概分為兩類型：S型腦同E型腦，S型腦屬於理智型，推理型，數學型，E型腦屬於情感型，情緒型，溝通型，人際型，大概係咁啦～個節目就話，男人極多數屬於S型，呢個亦都可以解釋點解預科MATHS GROUP嘅人大部分都係男仔。女人就極多數屬於E型，抑鬱症情緒病多發生於女人身上。
奇就奇在，近排發覺自己屬於E型，係好鬼E果隻。太著眼於人際關係、好鬼多廢話講、好想發洩、情緒波動好大、由其夜晚，可以無啦啦發老脾、又無啦啦笑崎崎、好想表達啲野比人聽、無啦啦對未來好有憧憬、無啦啦又覺得未來好悲哀、加上男人老葛又好鬼易喊…自己嘅思想模式，真係好鬼似女人。我想做S型呀…
好在我重鍾意女人姐…
呢排寫梗啲歌詞，唔知有冇機會獻唱呢?=]
2007年11月30日 星期五
《Santa Maria》
閒日亂逛維基百科，查下哥倫布嘅資料，真係比佢嘅精神感動佢。總算係世上第一個大大聲話比人聽自己要過大西洋嘅人，當時人人認為佢會跌落世界邊緣（地平說），但係點知跌左落美洲，嘩，幾鬼轟動呀！
當時佢第一次出航，就係用呢隻名叫Santa Maria嘅船喇，係咪好有型先？
[Santa Maria] by 葛佬
當時佢第一次出航，就係用呢隻名叫Santa Maria嘅船喇，係咪好有型先？
[Santa Maria] by 葛佬
2007年11月25日 星期日
2007年11月8日 星期四
《目標》
無知係幸福。
當年小學初中，渾渾噩噩，只顧眼前嘅嘢，而從未想過未來嘅嘢，關心嘅，只係幾時放假，興奮嘅，只係放學鍾聲果一刻，陪住我嘅係一部裝有無數遊戲嘅電腦，究竟番學為左乜，我完全唔知道。我讀梗中三嘅時候，什至連乜野係會考都重未知，但係自知學校考試考得好有獎品，就姑且溫下書，當年嘅校園生活什是無憂，沒有清晰目標，沒有未來定向，只顧當下，不知幾風流快活，考試可以話完全冇壓力，考完試即刻衝去網吧，幾他條。
人漸大，思想就漸成熟，中四五開始已經有自己嘅方向，知道會考重要，知道自己兼負重任，頓時盡失自由，眼前並冇他物，只求考好會考，責任感亦不自覺由心而生，會考辛酸，有苦自己知，溫到喊竟然係常事。 … 考完之後，如釋重負，自問再頂唔順考試之苦，曾經私下發譬即使成績點好點差，都唔會讀預科考高考，只想輕輕鬆鬆讀IVE，只怕再接觸果種沈著肅穆嘅考試氣氛，會登時窒息氣絕。可惜自己型唔起，亦唔夠堅決（好事？），先前所發嘅譬言亦自己打破，再度接觸艱辛學途，升讀預科，家陣日日心裡面都凝住凝住要面對高考，可謂無一刻忘記，無一刻放得低，心裡面果種壓住壓住嘅感覺，難頂非常。
算吧啦，打從自己有獨立思想開始，目標一定立，壓力就會自然而生，要重拾當年風騷快樂嘅休閒生活，已經係冇可能嘅事，即使二年後高考完嘅今日，只會有其他更難達到嘅目標，既然係咁，唯有頂硬上啦，或者往後目標會更早達到，早日悠情自在生活…？
當年小學初中，渾渾噩噩，只顧眼前嘅嘢，而從未想過未來嘅嘢，關心嘅，只係幾時放假，興奮嘅，只係放學鍾聲果一刻，陪住我嘅係一部裝有無數遊戲嘅電腦，究竟番學為左乜，我完全唔知道。我讀梗中三嘅時候，什至連乜野係會考都重未知，但係自知學校考試考得好有獎品，就姑且溫下書，當年嘅校園生活什是無憂，沒有清晰目標，沒有未來定向，只顧當下，不知幾風流快活，考試可以話完全冇壓力，考完試即刻衝去網吧，幾他條。
人漸大，思想就漸成熟，中四五開始已經有自己嘅方向，知道會考重要，知道自己兼負重任，頓時盡失自由，眼前並冇他物，只求考好會考，責任感亦不自覺由心而生，會考辛酸，有苦自己知，溫到喊竟然係常事。 … 考完之後，如釋重負，自問再頂唔順考試之苦，曾經私下發譬即使成績點好點差，都唔會讀預科考高考，只想輕輕鬆鬆讀IVE，只怕再接觸果種沈著肅穆嘅考試氣氛，會登時窒息氣絕。可惜自己型唔起，亦唔夠堅決（好事？），先前所發嘅譬言亦自己打破，再度接觸艱辛學途，升讀預科，家陣日日心裡面都凝住凝住要面對高考，可謂無一刻忘記，無一刻放得低，心裡面果種壓住壓住嘅感覺，難頂非常。
算吧啦，打從自己有獨立思想開始，目標一定立，壓力就會自然而生，要重拾當年風騷快樂嘅休閒生活，已經係冇可能嘅事，即使二年後高考完嘅今日，只會有其他更難達到嘅目標，既然係咁，唯有頂硬上啦，或者往後目標會更早達到，早日悠情自在生活…？
訂閱：
文章 (Atom)